ਨੈਸ਼ਨਲ ਡੈਸਕ- ਮੇਘਾਲਿਆ 'ਚ ਰਾਜਾ ਰਘੂਵੰਸ਼ੀ ਦੀ ਦਰਦਨਾਕ ਮੌਤ ਦੇਣ ਦੇ ਮਾਮਲੇ 'ਚ ਪੁਲਸ ਨੇ ਚਾਰ ਮੁਲਜ਼ਮਾਂ ਸੋਨਮ ਰਘੂਵੰਸ਼ੀ, ਆਕਾਸ਼ ਰਾਜਪੂਤ, ਵਿਸ਼ਾਲ ਸਿੰਘ ਚੌਹਾਨ ਅਤੇ ਰਾਜ ਸਿੰਘ ਕੁਸ਼ਵਾਹਾ ਨੂੰ ਹਿਰਾਸਤ 'ਚ ਲੈ ਲਿਆ ਹੈ। ਇੱਥੇ ਇਸ ਵਿਚ ਸੋਨਮ ਦੇ ਪ੍ਰੇਮੀ ਰਾਜ ਕੁਸ਼ਵਾਹਾ ਦੀ ਭੈਣ ਅਤੇ ਮਾਂ ਨੇ ਉਸ ਲਈ ਗੁਹਾਰ ਲਗਾਈ ਹੈ।
ਰਾਜ ਕੁਸ਼ਵਾਹਾ ਦੀ ਭੈਣ ਨੇ ਰੋਂਦੇ ਹੋਏ ਕਿਹਾ,''ਵਿੱਕੀ ਅਤੇ ਰਾਜ ਦੋਵੇਂ ਮੇਰੇ ਭਰਾ ਹਨ। ਉਹ ਕਦੇ ਅਜਿਹਾ ਨਹੀਂ ਕਰ ਸਕਦੇ। ਮੇਰਾ ਭਰਾ ਰਾਜ ਕਿਤੇ ਨਹੀਂ ਗਿਆ। ਤੁਸੀਂ ਉਸ ਦੇ ਦਫ਼ਤਰ 'ਚ ਲੋਕਾਂ ਤੋਂ ਪੁੱਛ ਸਕਦੇ ਹੋ। ਮੇਰੀ ਇਕਮਾਤਰ ਮੰਗ ਹੈ ਕਿ ਮੇਰੇ ਭਰਾ ਨੂੰ ਰਿਹਾਅ ਕਰ ਦਿੱਤਾ ਜਾਣਾ ਚਾਹੀਦਾ। ਉਹ ਕਤਲ 'ਚ ਸ਼ਾਮਲ ਨਹੀਂ ਹੈ। ਮੇਰਾ ਭਰਾ ਨਿਰਦੋਸ਼ ਹੈ...।'' ਰਾਜ ਦੀ ਭੈਣ ਨੇ ਇਹ ਵੀ ਦੱਸਿਆ ਕਿ ਰਾਜ ਮੰਦਰ ਜਾਣ ਦੀ ਤਿਆਰ ਕਰ ਰਿਹਾ ਸੀ ਇਸ ਤੋਂ ਪਹਿਲਾਂ ਹੀ ਪੁਲਸ ਉਸ ਨੂੰ ਚੁੱਕ ਕੇ ਲੈ ਗਈ। ਰਾਜ ਦੀ ਭੈਣ ਵਾਰ-ਵਾਰ ਇਹੀ ਕਹਿ ਰਹੀ ਹੈ ਕਿ ਉਸ ਦੇ ਭਰਾ ਨੇ ਕੁਝ ਨਹੀਂ ਕੀਤਾ ਹੈ ਅਤੇ ਉਸ ਨੂੰ ਫਸਾਇਆ ਜਾ ਰਿਹਾ ਹੈ।
ਰਾਜ ਦੇ ਪਿਤਾ ਦਾ ਕੋਰੋਨਾ ਕਾਲ 'ਚ ਦਿਹਾਂਤ ਹੋ ਗਿਆ ਸੀ। ਹੁਣ ਪੁੱਤ ਦੀ ਗ੍ਰਿਫ਼ਤਾਰੀ ਤੋਂ ਬਾਅਦ ਮਾਂ ਪੂਰੀ ਤਰ੍ਹਾਂ ਟੁੱਟ ਚੁੱਕੀ ਹੈ। ਉਸ ਦਾ ਕਹਿਣਾ ਹੈ ਕਿ ਰਾਜ ਦਾ ਸੋਨਮ ਨਾਲ ਕੋਈ ਅਫੇਅਰ ਨਹੀਂ ਸੀ। ਜੇਕਰ ਅਫੇਅਰ ਹੁੰਦਾ ਤਾਂ ਉਹ ਦੱਸਦਾ। ਉਹ ਕਿਸੇ ਨਾਲ ਫੋਨ 'ਤੇ ਗੱਲ ਤੱਕ ਨਹੀਂ ਕਰਦਾ ਸੀ। ਉਸ ਨੂੰ ਫਸਾਇਆ ਗਿਆ ਹੈ। ਮਾਂ ਨੇ ਕਿਹਾ,''ਮੇਰਾ ਪੁੱਤ ਬਹੁਤ ਸਿੱਧਾ ਹੈ, ਉਹ ਸੋਨਮ ਦੇ ਭਰਾ ਦੀ ਕੰਪਨੀ 'ਚ ਕੰਮ ਕਰਦਾ ਸੀ। ਉੱਥੇ ਸੋਨਮ ਵੀ ਆਉਂਦੀ ਸੀ ਅਤੇ ਇਸ ਦੌਰਾਨ ਕਦੇ-ਕਦੇ ਗੱਲ ਹੋਈ ਹੋਵੇ ਤਾਂ ਇਸ ਦਾ ਮਤਲਬ ਇਹ ਨਹੀਂ ਕਿ ਉਸ ਦਾ ਅਫੇਅਰ ਸੀ। ਰਾਜ ਦੀ ਮਾਂ ਨੇ ਕਿਹਾ ਕਿ ਜੇਕਰ ਉਸ ਦੇ ਪੁੱਤ ਨੂੰ ਜੇਲ੍ਹ ਹੋਈ ਤਾਂ ਉਹ ਖ਼ੁਦਕੁਸ਼ੀ ਕਰ ਲਵੇਗੀ।
ਇਹ ਵੀ ਪੜ੍ਹੋ : ਇਹ ਹੈ ਉਹ 'ਰਾਜ', ਜੀਹਦੇ ਲਈ ਸੋਨਮ ਨੇ ਮਰਵਾਇਆ 'ਰਾਜਾ' ! ਤਸਵੀਰ ਆਈ ਸਾਹਮਣੇ
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਹੁਣ ਘੰਟਿਆਂ ਤੱਕ ਨਹੀਂ ਕਰਨਾ ਪਵੇਗਾ ਇੰਤਜ਼ਾਰ, ਘਰ ਬੈਠੇ ਇੰਝ ਦੇਖ ਸਕਦੇ ਹੋ ਬੱਸ ਦੀ ਲੈਕੇਸ਼ਨ
NEXT STORY 
